Words / शब्दहरू

Words	शब्दहरू
like these	यिनै शब्दहरू जस्तै
when only typed, written, printed,	जब लेखिने, छापिने, वा टाइप मात्र हुने गर्छन्
doze,	भुसुक्क निदाउछन्
becoming sleepy scribbles.	सुताहा केरकार बनेर
Unless read or spoken,	नपढिए वा नबोलिएसम्म
they’re static,	तिनीहरू टक्क अडिन्छन्
just bunches of pointless pixels.	मसीका थोप्लाका झुप्पा भएर
Only when ink fades	जब मसी उड्छ
or surface wears off becoming dust,	वा लेखिने धरातल थोत्रिएर धुलो हुन्छ
do they bother to vanish	अनि मात्र तिनीहरू डेग चल्छन्
in thin air.	हावामा हराएर
But if they are read or recited,	तर यदि शब्दहरू पढिएभने वा वाचन गरिएभने
they may be listened to.	तिनीहरू सुनिन सक्छन्
If heard,	सुनिएर बुझिएभने
they may imprint themselves again,	तिनीहरू पुनः छापिन सक्छन्
into the minds.	मस्तिष्कहरूमा |

भत्केका पुलहरू

विचारका बाफहरूको संगमले 

पुलहरू बन्ने गर्छन्

अनि 

तापक्रमहरू घट्दै गएपछि 

पुलहरू गर्ल्यामगुर्लुम

भत्कदै जान्छन्

पुलका भग्नावशेषमुनि 

संवेदनाहरू थिचिन्छन्

च्यापिन्छन् 

उत्साहहरू निचोरिन्छन् 

चिसिंदै जाँदा 

वरफका टुक्राहरूको गाईजात्रामा 

युगहरू चाउरिइदै जान्छन्

तैपनि

विचारका बाफहरू 

निरन्तर पुलहरू बाँध्दै जान्छन् 

समय फगत हेरिरहन्छ

उत्सुकहरू अनुसन्धान गरिरहन्छन् 

तर तिनले पनि त 

विचारकै बाफका थुप्राहरू थप्ने न हुन् 

आखिर तापक्रमको घटाईमा 

सब चकनाचुर भैहाल्छन् 

समय डाकिरहेछ 

तापक्रम घट्न नदिने चेतनालाई 

भत्केका पुलहरू ब्यग्र भई कुरिरहेछन् 

भत्केका पुलहरू ब्यग्र भई कुरिरहेछन्

When and Where I Grew Up / म जहिले र जहाँ हुर्कें

Every now and then I try to write poetry in English. Sometimes I start in English and switch back to Nepali or the vice versa. I tried this first in English then I translated it in Nepali. Here it is for you.

When and Where I Grew Up	म जहिले र जहाँ हुर्कें
When and where I grew up	म जहिले र जहाँ हुर्कें
there was no electricity	त्यसताका बिजुली बत्ति थिएन
there was sunshine and light	घाम थियो अनि उज्यालो थियो
there were no vehicles, concrete roads, or traffic	गाडीहरू, पक्कि सडक, अनि ट्राफिक जाम थिएन
we walked everywhere to our delight	हामीहरु जताततै सहर्ष हिडेर पुग्थेऊँ
there was no complexity	अप्ठेराहरू थिएनन्
life was straightforward and slight	जिन्दगी सरल र सहज थियो
there were no skyscrapers or super markets	गगनचुम्बी भवन अनि बिशाल बजारहरू थिएनन्
all we needed was in sight	हामीलाई चाहिने सबैचिज आँखावरिपरि हुन्थ्यो
When and where I grew up	म जहिले र जहाँ हुर्कें
there was no pollution	त्यसताका प्रदुषण थिएन
air was natural and salubrious	हावा प्राकृतिक अनि स्वस्थ थियो
there were no cell phones or internet	मोबाइल फोन र इन्टरनेट थिएन
communication was glorious and multifarious	संचार गर्वसाथ धेरै तहमा हुन्थ्यो
there were no swimming pools or playgrounds	पौडनको लागि बनाइएका पूल अनि खेल्नको लागि बनाइएका मैदान थिएनन्
rivers, lakes, and fields were gorgeous	सुन्दर खोला, ताल र चौर थिए
demands and supplies did not bargain	माग र पूर्तीको मोलतोल हुन्नथ्यो
resources were sustainable and cornucopious	साधन र श्रोत दीर्घकालीन धान्न मिल्ने अनि पर्याप्त थियो
When and where I grew up	म जहिले र जहाँ हुर्कें
there were less rivalries in pointless pursuits	त्यसताका अर्थहीन अभिलाषाका दुश्मनी कम थिए
people were more friendly and plain	मान्छेहरू धेरै मिलनसार अनि सादा थिए
there were less insecurities and doubts	मनमा डर अनि शंका कम थिए
plenty of trust and harmony were in chain	समाज विश्वास र सौहाद्रताको साँङ्ग्लोमा बाँधिने गर्थ्यो
deceits or bondages were rare	छलकपट अनि बन्धन विरलै थिए
truth and freedom stayed in domain	सत्य र स्वतन्त्रता रैथाने रहन्थे
When and where I grew up	म जहिले र जहाँ हुर्कें
I was as happy as I am now.	त्यसताका म जति खुसि थिएँ अहिले पनि खुशी नै छु बराबरी
Isn’t it intriguing, why and how?	आश्चर्य लाग्दैन? किन र कसरी?

जिन्दगीसँग सत्कर्म मल्नु पर्ने रहेछ

उज्यालो दिन सक्न त जल्नु पर्ने रहेछ
आफू खरानी भएर बल्नु पर्ने रहेछ

मै हुँ भनेर घमण्ड गर्न त जो पनि सक्छ
निहुरन सक्नलाई फल्नु पर्ने रहेछ

चट्टानझैँ कडा भए त एकैनाश भैहाल्छ
हर आकार दिन त गल्नु पर्ने रहेछ

सधै अग्लो भैरहन्छु भन्नेलेपनि
एकदिन त गर्ल्याम्म ढल्नु पर्ने रहेछ

मरेर जान त सजिलो रे'छ, अमर हुन त
जिन्दगीसँग सत्कर्म मल्नु पर्ने रहेछ

माया गर्न थालिसकेछु अब छोड्न सक्दिन

आँखा तिमीमा परिहाल्यो अब मोड्न सक्दिन
तिमी बाहेक अरुसँग माया जोड्न सक्दिन

मस्तिष्कभरी तिम्रै दृश्य घुमिरहन्छ आजकल
आफ्नो टाउको आफैले ठोकेर फोड्न सक्दिन

धेरै मुटुका फुलबारीमा माया रोप्न खोजें
तिमी बाहेक अरुकुनै फूल गोड्न सक्दिन

तिम्रै हुन्छु जीवनभर भनेर कसम खाको छु
आफ्नो बाचा नमरुञ्जेल अब तोड्न सक्दिन

तिमी माया गर या नगर , म त तिमीलाई
माया गर्न थालिसकेछु अब छोड्न सक्दिन

साना साना खुशीले गाँस्ने माला हो जिन्दगी

कैदीले भन्यो कहिल्यै नखुल्ने ताला हो जिन्दगी
घाइतेले भन्यो ढाडमा रोप्या भाला हो जिन्दगी

बुर्लुक्क उफ्रदै वयस्कले भन्यो
भर्भराऊँदी युवतीको रातो गाला हो जिन्दगी

सकी नसकी वृद्धले भन्यो
बुढ्यौलीले चाउरीएको छाला हो जिन्दगी

वितृष्णामा डुबेको जनताले भन्यो
घुस्याहा नेताको भ्रष्ट चाला हो जिन्दगी

सन्तोषलाई सोद्धा सन्तोषले भन्यो
साना साना खुसीले गाँस्ने माला हो जिन्दगी 

यी शब्दको भाउ पनि दुई पैसा तोकिदिए

माया गर्छु भन्नेले मुटुमा प्वाल खोपिदिए
हितौषी मानेकाले ढाडमा छुरा रोपिदिए

यस्तो गर्छु उस्तो गर्छु भन्नेहरू धेरै थिए
हात बाँधी सुती सुती गफमात्र ठोकिदिए

खुराफाती जम्मा भए स्वार्थका सल्लाह भए
इमान्दारका कुरालाई छलले छोपिदिए

युग आए युग गए धर्मात्मा हुँ भन्ने भए
तिनलेनै अध्यात्मामा दुष्ट मन चोपिदिए

गेडी छन्जेल आफ्ना रहे नहुँदा टेडी भए
सुक्नला घाऊमा पनि काँडैकाँडा घोपिदिए

अरुका भाव फाल्तु पाए अफ्नाको जय गाए
यी शब्दको भाउ पनि दुई पैसा तोकिदिए